Алматыда Қайрат Боранбаевқа тиесілі болған сауда орталығы мұражайға айналады
Шетелдік инвестор мен Алматы әкімдігі «Алмалы» сауда орталығының базасында балалар мұражайын ашады.
Алматы, NEGE. Бұл туралы қалалық мәслихаттың кезектен тыс ХХV сессиясында Алматы әкімі Ерболат Досаев мәлімдеді.
Балаларға арналған ғылым мұражайының құрылысы 2025 жылы басталады. Бұл мақсатқа қала бюджетінен 12,2 миллиард теңге бөлінеді.
— Мемлекет басшысының қолдауын ескере отырып, 2025 жылдан бастап Алматыда бұрынғы «Алмалы» сауда орталығының базасында Science Museum Singapore-мен бірлесіп, балаларға арналған ТМД-дағы алғашқы Ғылым музейін құру жұмыстары басталады. Бұл мақсатқа қала бюджетінен 12,2 млрд.теңге бөлу жоспарланған, — деді Ерболат Досаев.
Естеріңізге сала кетейік, «Алмалы» сауда орталығы «Қаңтар» оқиғасы кезінде қиратылып, жұмысын тоқтатқан. Ал 2023 жылдың қазан айында нысан Қайрат Боранбаевтан мемлекет меншігіне қайтарылды.
