Алматыда қатты тұрмыстық қалдықтарды шығаруға арналған 50 жаңа техника пайдалануға берілді
Алматы қатты тұрмыстық қалдықтарды шығару жүйесін күшейтеді, деп хабарлады қала әкімдігі.
Алматы, NEGE. Қатты тұрмыстық қалдықтарды шығаруға арналған 50 жаңа арнайы машинаны тапсыру рәсімі Алатау ауданындағы қоқыс сұрыптайтын ірі кешен "Green Recycle" ЖШС аумағында өтті.
Техника қала жағдайына бейімделген, кран-манипуляторлық қондырғылармен жабдықталған және қоқысты шығарудың сапасы мен жүйелілігін арттыруға мүмкіндік береді. Жобаны "Жасыл даму" АҚ және "Ақ Тәртіп" ЖШС бірлесе жүзеге асырып жатыр. Нәтижесінде 50-ге жуық жаңа жұмыс орны ашылды.