Алматыда «қаңтар» оқиғасы кезінде ұсталғандарды азаптаған полицейлер сотталды
2024 жылғы 19 наурызда Алматы қаласы Алмалы аудандық сотында «қаңтар» оқиғасы кезінде азаптау қолдану фактісі бойынша үш полиция қызметкеріне қатысты үкім жарияланды.
Алматы, NEGE. Қылмыстық істі Алматы қаласының арнайы прокурорлары тергеді.
Прокурорлар 2022 жылғы 9 қаңтарда Алмалы аудандық полиция басқармасында жеткізілген 3 азаматқа қатысты полицейлердің азаптау шарасын қолданғаны дәлелденді.
Соттың үкімімен үш сотталушы арнаулы атақтары мен мемлекеттік қызметте жұмыс істеу құқығынан айырылды. Оларға 3 жыл мерзімге бас бостандығынан айыру түріндегі жаза тағайындалып, аталған адамдар сот залында қамауға алынды.
Үкім заңды күшіне енген жоқ.