Алматыда фельдшер жедел жәрдем көлігінде ес-түссіз жатқан науқастың алтын алқасын ұрлап кеткен
Алматы қаласында жедел жәрдем қызметінде жұмыс істейтін фельдшер жедел жәрдем көлігінде ессіз жатқан науқастың алтын алқасын шешіп алып, ломбарқа өткізіп жіберген.
Алматы, NEGE. Әйел ауруханаға жеткізілген. Ауруханада науқастың ұлы анасының мойнында құны 500 мың теңге тұратын алтын алқаның жоғын байқаған. Сосын полицияға арыз жазған.
Полиция жедел жәрдем көлігіндегі бейнекамераны тексерген. Сол кезде науқастың мойнындағы алқаны фельдшердің шешіп жатқанын көрген.
Полиция мәліметінше, фельдшер алқаны ломбардқа өткізіп жіберген. Қазір науқастың жағдайы жақсы. Ұрланған алқа иесіне қайтарылды. Ал ұрлық жасаған фельдшер шұғыл түрде жұмыстан шығарылды.
Ол ұсталып, сотқа дейінгі тергеу амалдары жүргізілді.