Алматыда DESIGN REVIEW 2024 байқауы басталды
Алматыда жас сәулетшілер мен дизайнерлерге арналған байқау басталды.
Алматы, NEGE. Алматы даму орталығы ҚазБСҚА және «Алматыбасжоспар» ҒЗИ қолдауымен байқаудың басталғанын жариялады. Ол 2024 жылдың 30 қазаны мен 30 қарашасы аралығында өтеді.
Қатысушылар жеделсаты жоқ болғандықтан, жүріп-тұруы шектеулі адамдарға қиындық туғызатын кеңестік және посткеңестік дәуірдегі үйлердің сапасын жақсартуға қатысты шешімдерін ұсына алады.
Байқаудың негізгі мәліметтері:
Тіркелу: 6 қарашаға дейін мына сілтеме бойынша https://clck.ru/3EG77E.
Шеберлік дәрістері: 7-15 қараша аралығында тіркелген қатысушыларға арналған.
Тақырыптар қалалық кеңістікті зерттеу әдістері, дизайн жобаларын жасау және презентация дағдыларын қамтиды.
Жұмысты өткізу: 28 қарашаға дейін
Жұмыстардың тұсаукесері: 29-30 қарашада сарапшылар комиссиясының алдында
Жүлделер:
1-орын – 300 мың теңге.
2-орын –200 мың теңге.
3-орын – 100 мың теңге.
Үздік жұмыстар әлеуметтік қызметтер мен бизнестің нормативтік актілерінде іске асыруға ұсынылады. Байқаудың шарты мен толық мәліметті ережеден біле аласыз.