Алматыда бірыңғай туристік билет іске қосылды

Алматы, NEGE. Бұл бірегей ваучер қаланың көрікті жерлерін көруде турист қаржысын 63%-ға үнемдеуге мүмкіндік береді. «Көктөбе» аспалы жолына, Happy Eye шолу дөңгелегі, Алматы хайуанаттар бағы, Ә.Қастеев атындағы өнер музейі, сондай-ақ қаланы Nur Bus автобуспен аралау және т.б. ең танымал орындарға баруға болады.

9 990 теңгеден басталатын билетті almaty.citypass.kz сайтынан сатып алуға болады. Әрі қарай сайтта немесе мобильді қосымшада QR коды бар ваучер пайда болады, оны кірерде кассаға көрсету керек. QR код қызмет пакетіне байланысты нысанға бірінші келген сәттен бастап 24 немесе 72 сағат жарамды.