Алматыда балабақша тәрбиешісі 4 жасар баланы ұрып-соғып, тұншықтырған (видео)
Алматыда балабақша тәрбиешісінің 4 жасар баланы ұрып-соғып, тұншықтырған сәті видеоға түсіп қалған.
Алматы, NEGE. Ата-ананың бірі 4 жасар баласының тәрбиешіден зорлық-зомбылық көргенін айтып шағымданған. Ол бейнебақылау камераларының жазбаларын тексеріп, тәрбиеші баласын тұншықтырғанын көрсететін жазбаларды тапқан. Оқиға болған кезде бөлмеде тағы екі қызметкер болды. Алайда олар әріптесінің әрекетіне араласпаған.
Ата-аналар Бостандық аудандық полициясына арыз жазды.
«Бостандық аудандық полиция басқармасы бұл дерек бойынша қылмыстық тергеуді бастады», - деп хабарлады Алматы қалалық полиция департаменті.
Полиция оқиғаның мән-жайын анықталып жатқанын жеткізді. Кінәлі тұлғалар жауапқа тартылатын болады.