Алматыда автотұрақ бағасы қымбаттайды
Алматы әкімі Медеу ауданының тұрғындарымен кездесуінде автотұрақтардың бағасы өсетінін атап өтті.
Алматы, NEGE. Ерболат Досаевтың айтуынша, экология мәселесін жақсарту үшін 2025-2027 жылдарға арналған бағдарлама әзірленген. Ол бойынша бірнеше қалада іс-шаралар қабылданады.
«Биыл жазғы уақыттан бастап автотұрақтардың бағасы айтарлықтай көтеріледі. Бұл барлық ірі қалалар секілді көліктерді шектеу үшін қажет. Одан бөлек қаланы ауаны ластайтын шығындылар аз болуы тиіс аймақтарға бөлеміз. Біз жобаны әзірлеп қойдық, енді қоғамдық кеңестің, мәслихаттың талқылауына шығарамыз. Ең бастысы — қоғамдық көлікті дамыту. Метроның шығыс және батыс бағыттаарын ұзарту, ЛРТ құрылысы және т. б. жұмыстар бар, – деді Досаев.