Алматыда ауа сапасын нашарлататын метеожағдай күтіледі
16 тамыз күні Қазақстанның көпшілік қалаларында қолайлы метеорологиялық ахуал болжанып отыр, деп хабарлайды «Қазгидромет» РМК.
Алматы, NEGE. Алайда синоптиктердің мәліметінше, Алматыда қолайсыз метеорологиялық жағдай қалыптасады. Мұндай кезде ауа райының белгілі бір құбылыстары – тыныштық, әлсіз жел, тұман немесе инверсия – зиянды заттардың жерге жақын қабатта жиналуына ықпал етеді.
Нәтижесінде қаладағы атмосфералық ауаның сапасы төмендеп, халық денсаулығына кері әсерін тигізуі мүмкін. Сарапшылардың айтуынша, мұндай ластану деңгейін анықтайтын басты фактор – синоптикалық жағдай: жел, жауын-шашын, ылғалдылық пен ауа температурасы.
