Алматыда ақша бопсалаған блогерлер ұсталды
Полиция қызметкерлері жәбірленушінің арызы бойынша кәсіпкер мен екі блогерді ұстады.
Алматы, NEGE. Күдіктілер әлеуметтік желілерде компроматтар жариялаймыз деп қоқан-лоққы көрсетіп, 8 миллион теңге бопсалаған. Сондай-ақ олар жәбірленушіні сот шешімімен кәсіпкер төлеуге міндеттелген 20 миллион теңгені талап етуден бас тартуға көндірмек болған.
Олар 10 миллион теңге алып жатқан жерінде ұсталды.
ҚР ҚПК-нің 128-бабына сәйкес олар уақытша ұстау изоляторына қамалды.
Бопсалау дерегі бойынша қылмыстық іс қозғалды.