Алматыда Абай алаңында дрондар шоуын 60 мыңнан астам адам тамашалады
9 мамыр күні Алматыда Ұлы Отан соғысындағы Жеңістің 80 жылдығына арналған ауқымды дрондар шоуы өтті. Бұл шара мерекенің шарықтау шегіне айналды.
Алматы, NEGE. Абай алаңында 500-ден астам дрон көкке көтеріліп, жарық пен анимация арқылы ерлік пен жанқиярлықты, есте қалған ерлікке толы сәттерді баяндады.
Сонымен қатар, қазақстандық батырлардың — Мәншүк Мәметова, Әлия Молдағұлова, Талғат Бигелдинов және Бауыржан Момышұлының бейнелері аспанда жаңғырды.
Маңызды символ ретінде Мәңгілік алау, Жеңіс туының көтерілген сәті мен «Ешкім де, ешқашан да ұмытылмайды» деген жазу көрсетілді. Шоудың шарықтау сәті – қазақы оюмен көмкерілген композиция және «Жеңіс күні құтты болсын!» деген жарқыраған жазу болды.
Шараны 60 мыңнан астам көрермен тамашалады, сонымен қатар онлайн трансляция да жүргізілді.
