Алматыда 955 орындық жатақхананың құрылысы басталды
Алматыда Satpaev University студенттеріне арналған тоғыз қабатты 955 орындық жатақхананың іргетасын қалау рәсімі өтті.
Алматы, NEGE. Жатақханада жалпы ауданы 11 мың шаршы метрден асатын 319 тұрғын бөлме болады. Құрылыс алаңы шамамен 1 гектар, автотұраққа арналған орындар да қарастырылған. Құрылысты 2026 жылы аяқтау жоспарланып отыр.
Биыл Алматыда 4500 орындық 16 нысан пайдалануға беріледі. Оның ішінде жаңа оқу жылының басына дейін 1600 орындық 6 нысан іске қосылды. Салыстыру үшін 2023 жылы Алматыда 4000 жаңа орын құрылған болатын.
Студенттік жатақханалар салу жұмысы жобалық кеңсе тарапынан үйлестіріледі, ол инвесторларға жобаларды жүзеге асыруға көмектеседі. Кеңсе іске қосылғаннан бері 120 әлеуетті инвестор өтініш білдірген.
