Алматыда 600 орынға арналған жаңа мектеп ашылды
Алматыда «Жайлы мектеп» ұлттық жобасы аясында 600 орынға арналған жаңа мектеп пайдалануға берілді, деп хабарлайды 24kz.
Алматы, NEGE. Жаңа мектеп №97 мектеп Әуезов ауданында, бұрынғы апатты мектептің орнына салынды. Орыс тілінде білім беретін мектепте биыл алғаш рет қазақ тілді бірінші сынып ашылды. Оған 25 оқушы қабылданды.
Ағымдағы жылдың соңына дейін қалада 33 мың орындық 20 мектептің құрылысын аяқтап, пайдалануға беру жоспарланып отыр. Жалпы жаңа мектептер «Қарасу», «Самғау», «Шұғыла», «Құрамыс», «Теректі» шағын аудандарында ашылады. Сондай ақ қаладағы 180 мектепке күрделі жөндеу жүргізілген.