Алматыда 37 млн теңге көлемінде айыппұл төлемеген жүргізушілер анықталды
Алматыда 37 млн теңге көлемінде айыппұл салынған көліктер анықталды, деп хабарлайды Polisia.kz.
Алматы, NEGE. Айыппұл төлемегендер тізімінде шетелде тіркелген Mercedes-Benz көлігінің жүргізушісі көшбасшы атанды. Ол 7 миллион теңгеден астам сомаға жол қозғалысы ережесін бұзған. Алайда айыппұлының ешқайсысын төлемеген.
– Құқық бұзушылыққа «мүлдем төзбеушілік» қағидаттарын және құқық бұзушылықтар үшін жазаның бұлтартпастығын қамтамасыз ету мақсатында Алматы полициясы тұрақты негізде рейдтік іс-шаралар жүргізеді. Одан кейін құқық бұзушының көлігі арнайы айыппұл тұрағына қойылады. Қазақстан Республикасының Әкімшілік құқық бұзушылық туралы кодексіне сәйкес келген жері бойынша тәркілеу туралы хаттама толтырылады. Көлікті айыппұл тұрағынан босату тек айыппұлды толық өтегеннен кейін ғана жүзеге асырылады, – деп мәлімдеді жергілікті полиция қызметінің жедел іздестіру бөлімі.
