Алматыда 1500-ден астам әскери 150-ге жуық көшет отырғызды
ҚР Қорғаныс министрлігі ақпарына сүйенсек, 1500-ден астам әскери қызметші, курсанттар мен мерзімді қызмет сарбаздары көшет отырғызуға, институт аумағын және оған іргелес аймақтарды абаттандыруға қатысты.
Алматы, NEGE. Алматыда әскери оқу орнының жеке құрамы Тазару күнінде экологиялық акция өткізді.
Акцияны институт бастығы генерал-майор Нұртас Қабақов басқарды.
"Көгалдандыру – бұл қала экологиясы мен оның тұрғындарының болашағы. Біз үшін бұл бір реттік акция емес. Институттың әскери қызметшілері осындай іс-шараларға үнемі қатысып тұрады", – деп атап өтті ол.
Экологиялық акция аясында 150-ге жуық ағаш отырғызылып, аумақтарды ауқымды тазарту жұмыстары жүргізілді.