Алматыда 10 сәуірден бастап жылу кезең-кезеңімен өшіріледі
Алматы қаласының әкімі Ерболат Досаев жылыту маусымының қорытындысы мен келесі кезеңге дайындықты талқылады.
Алматы, NEGE. Жылыту маусымын кезең-кезеңімен тоқтату 10 сәуірден басталады. Ең алдымен, әкімшілік ғимараттар, оқу орындары және мәдениет нысандары жылудан ажыратылады. Одан кейін – тұрғын үйлер мен әлеуметтік мекемелер.
Биылғы маусымда 404 білім беру және 128 медициналық мекеме жылумен қамтылды. Алда 39 шақырым жылу желісін жаңғырту жоспарланған, бұл олардың тозу деңгейін 56,1%-дан 54,9%-ға дейін төмендетуге мүмкіндік береді.
2024 жылы қалада 20 шақырым жылу желісі жаңартылып, 85 қазандық жөндеуден өтті. Бұл жылыту жүйесінің тиімділігін айтарлықтай арттырып, маусымды апатсыз аяқтауға мүмкіндік берді.
