29 Ақпан 11:50
Алматыда 1 шілдеден бастап қоғамдық көлікте қызмет көрсетудің жаңа стандарттары енгізіледі
1 шілдеден бастап мегаполистің қалалық қоғамдық көлігінде қызмет көрсету тәсілдері өзгертіледі.
Алматы, NEGE. Бұл туралы Алматы қаласының әкімі Ерболат Досаев Наурызбай ауданының тұрғынының автобустар мен троллейбустарға ерекше қажеттілігі бар адамдарға, қарттарға, жүкті әйелдерге және балалары бар жолаушыларға орын беруге шақыратын ескертулерді қосу туралы ұсынысына жауап беру кезінде айтты.
«1 шілдеге дейін тәсілдерді өзгертуді жоспарлап отырмыз, атап айтқанда, қоғамдық көлікте қызмет көрсету қалай өтуі керек дегендей. Қажетті өзгерістер мен толықтырулар енгізіледі», - деді Ерболат Досаев.
