18 Желтоқсан 16:56
...
Алматы тұрғындарын тауға шықпауға кеңес берді
Алматы облысында қар көшкіні қаупі бар 55 учаске бар.
Алматы, NEGE. Алматы облысының төтенше жағдайлар департаменті 18-21 желтоқсан аралығында тауларда көшкін қаупі сақталатынын хабарлады.
"ТЖД азаматтардан, туристер мен демалушылардан қар көшкіні туындауы мүмкін болғандықтан қарлы беткейлерге шықпауды, сондай-ақ таулы жерлерде барлық қауіпсіздік шараларын сақтауды сұрайды" делінген хабарламада.
Алматы облысының аумағында Іле-Алатау тау жотасының оңтүстік беткейінде Еңбекшіқазақ, Талғар және Қарасай аудандарында 55 көшкін қаупі бар учаске бар. Негізінен қар көшкінінің түсуі температура фонының жоғарылауына және жаңбыр мен қар түрінде мол жауын-шашынның түсуіне байланысты болатынын атап өткен жөн.
