Алматы облысындағы Сарқан ауданы әкімдігінің бөлім басшысы қамауға алынды
Алматы облысы Сарқан аудандық тұрғын үй коммуналдық шаруашылық бөлімінің басшысы Сәбит Ғабитұлы мемлекеттің 32 млн теңге ақшасын жымқырды деген күдікпен қамауға алынды.
Алматы, NEGE. Сыбайлас жемқорлыққа қарсы іс-қимыл агенттігінің Алматы облысы бойынша департаментінің ресми мәліметінше, Сарқан аудандық тұрғын үй коммуналдық шаруашылық бөлімінің басшысы Сәбит Ғабитұлы аса ірі көлемде мемлекет қаржысын жымқырды деген күдікпен ұсталған.
«Аталған бөлімнің басшысы мемлекеттік «Жұмыспен қамту жол картасы 2020-2021» аясында бөлінген қаржынының 32,9 млн теңгесін жымқырды деген күдікпен ұсталды. Яғни, аталған қомақты қаражат Сарқан ауданының Бақалы, Алмалы және Көкөзек ауылдарындағы спорттық алаңдарына бөлінген. Қазір аталған бөлім басшысы уақытша ұстау изоляторына қамалды»,- делінген ведомствоның хабарламасында.
Тергеу жалғасып жатыр.