Алматы облысында зорлық-зомбылық белгілері бар ер адамның мәйіті табылды
Бұл туралы Алматы облыстық Полиция департаментінің басшысы Бауыржан Әленов хабарлады.
Алматы, NEGE. 26 желтоқсанда Іле ауданы ПБ-ға Өтеген батыр ауылы көшелерінің бірінде 40 жастағы жергілікті тұрғынның мәйіті табылғаны туралы хабарлама келіп түскен.
– Аталған деректі полиция ҚР ҚК 99-бабының 1-бөлігі (кісі өлтіру) бойынша дереу тіркеді. Жедел-іздестіру іс-шарасы барысында полиция қызметкерлері 1993 және 2007 жылғы екі күдіктіні анықтап, ұстады. Олар өз қылмысын толық мойындап отыр. Қазіргі уақытта сот-медициналық сараптама тағайындаумен барлық қажетті тергеу әрекеттері жүргізіліп жатыр. Күдіктілер заңнамада белгіленген тәртіппен қамалды, – деп мәлімдеді Бауыржан Әленов.
