Алматы облысында жол жабылды
Алматы облысында ауа райының қолайсыздығынан жол жабылды, - деп хабарлады ТЖД баспасөз қызметі.
Алматы, NEGE. "ҚазАвтоЖол" және "Қазақавтожолдың" Алматы облысындағы филиалдарының 2021 жылдың 4 қаңтарында сағат 10.30-да берген хабарламасына сәйкес, қатты боран болып, жолда ештеңе көрінбеуіне байланысты Үшарал - Достық (Көктума ауылы - Достық станциясы, 84-184-ші шақырым) республикалық маңызы бар автожолда көліктің барлық түріне қозғалыс шектелген", - делінген хабарламада.
Алматы облысы ТЖД азаматтарға ұзақ жолға шықпай тұруды өтінді. Қандай да бір жағдай болса, 112 нөміріне қоңырау шалуды сұрады.
