Алматы облысында жылқыны қасақана басқан кінәлі жазаға тартылмайды
Полиция мәліметінше, Алматы облысында көлігімен атты басқан жүргізушіге қатысты іс тараптардың татуласуымен аяқталған.
Алматы, NEGE. Бұған дейін хабарланғандай, Междуречинск ауылының 38 жастағы тұрғыны ауылдасымен жанжалдасып, Toyota Land Cruiser көлігімен атын қасақана қағып кеткен еді.
Ұсталған құқық бұзушының сөзінше, ол бақшасында жайылып жүрген жиырма шақты жылқыны айдап шықпақ болған.
Полиция Қазақстан Республикасының Қылмыстық кодексінің 316-бабы («Жануарларға қатыгездік жасау») бойынша қылмыстық іс қозғалғанын хабарлаған еді.
Енді облыстық полицияның баспасөз қызметі қылмыстық іс тоқтатылғанын мәлімдеді.
"Зардап шеккен ауыл тұрғыны жылқысын басып кеткен жол талғамайтын көлік жүргізушісіне ешқандай шағымы жоқ екенін айтып, тиісті арызымен аудандық полицияға жүгінген", - деді Алматы облысы ПД баспасөз қызметі.