Алматы облысында қаза болған отбасы: Туыстары не дейді?
Талдықорғанда қызымен бірге қаза болған ерлі-зайыптының туыстары трагедияның қалай болғанын айтып берді, деп хабарлайды Sputnik тілшісі.
Алматы, NEGE. Талдықорғанда ерлі-зайыпты және олардың 15 жастағы қызы қаза болды: отбасы отырған көлікке оқ жаудырған
Қаза тапқан 51 жастағы әйелдің немере інісі Дастанның айтуынша, қайғылы оқиға 8 қаңтарда "Қаратал" шағын ауданында болған. Отбасы достарына қонаққа барып, үйіне көлікпен қайтып келе жатқан.
«Олар кешкі сағат 9-да қайтып келе жатқан. Отбасы сол «Қаратал» шағын ауданындағы жеке секторда тұратын. Жол 3-4 минут уақытты алады», – дейді Дастан.
Оның айтуынша, көлік ішіндегілер артқы жақтан атылған оқтан ажал құшқан. «Бұл қарапайым бейбіт адамдар еді. Жездем қаладағы зауыттардың бірінде жұмыс істеді, ал әпкем – үй шаруасындағы әйел. Олардың қаза болған кәмелетке толмаған қызы мектепте оқитын. Туыстарымыз телефон қоңырауына жауап бермегендіктен біз оларды іздестірдік», – дейді қаза болғандардың туыстары.
Отбасын өлтіру фактісін ішкі істер министрлігі әскери тергеу басқармасының қызметкерлері тергеп жатыр.