Алматы облысында ауыл маңынан қару-жарақ табылды
Алматы қаласы Алматы және Жетісу облыстары бойынша ҚАЖД ПД ҰҚКБ қызметкерлерімен бірлесіп қару-жарақ сақталған орынды анықтады, деп хабарлайды Polisia.kz.
Алматы, NEGE. Алматы қаласы, Алматы және Жетісу облыстары бойынша ҚАЖД-ға қарасты №57 мекеме қызметкерлерінің жедел ақпараты бойынша қару-жарақ орналасқан жер анықталды. ИЖ-56 маркалы бір ұңғылы шолақ мылтық, тапаншаның бос оқжатары және оқ өтпейтін кеудеше Алматы – Өскемен тас жолындағы Жетіген ауылының маңында табылды.
– Бұл факт Алматы облысы ПД Іле аудандық полиция бөлімінде тіркелген. ҚР ҚК-нің 287-бабы бойынша қылмыстық іс қозғалды. Баллистикалық сараптама тағайындалды, – деп атап өтті мекеме бастығы Петр Писарев.
Естеріңізге сала кетейік, бұған дейін №57 мекеме ҚАЖ қызметкерлері үш қару орнын анықтаған болатын.
