Алматы облысы: Вирус жұқтырған оқушылар көбейді
Алматы облысында коронавируспен ауырған оқушылардың саны 583-ке жетті. Бұл жайында облыстағы санитариялық-эпидемиологиялық бақылау департаменті хабарлады.
Алматы, NEGE. «2021 жылдың 1-17 қыркүйек аралығында облыс бойынша оқушылар арасында коронавирус инфекциясымен сырқаттанудың 583 жағдайы тіркелді.Оның ішінде 214 жағдай жазғы демалыс кезінде, 355 жағдай оффлайн оқыту кезінде және 14 жағдай онлайн оқытуда тіркелген»,- делінген Алматы облыстық санитариялық-эпидемиологиялық бақылау департаментінің баспасөз қызметі таратқан хабарламада.
Ведомствоның ақпаратына сәйкес, қазір облыста 341 сынып карантинге жабылған.
«Облыстың 167 мектебінің 341 сыныбына карантин енгізу туралы қаулы шықты және 5042 оқушы қашықтан оқи бастады.
Педагогтер арасында 1-17 қыркүйек аралығында облыс бойынша КВИ-мен ауырғандардың 88 жағдайы тіркелді, оның ішінде 32 педагог жазғы демалыс кезінде ауырып қалды.
Өңірлердегі санитарлық-эпидемиологиялық бақылау басқармалары педагогтар, оқушылар, студенттер және техникалық персонал арасында сырқаттанудың күнделікті мониторингін жүргізеді»,- деп толықтырды аталған ведомствоның баспасөз қызметінен.
Қазір оқып жатыр
Астаналықтар аурухана жанындағы құрылысқа қарсы петиция жариялады
Тоқаев пен Ердоған Мәңгілік достық туралы декларацияға қол қойды
Алматының Наурызбай ауданында ауаның ластануы мөлшерден бірнеше есе асып кеткен
Атырау облысының әкімдігі Индер көлін ерекше қорғалатын аумақтар тізімінен қалай шығартты
