Алматы облысы сотының судьясы алаяқтық жасағаны үшін сотталды
Алматы облысының мамандандырылған ауданаралық экономикалық сотының судьясы Алмакүл Түменбаева алаяқтық жасағаны үшін 5 жылға бас бостандығынан айырылды.
Аламты, NEGE. Судьяға алаяқтық жасады, алдау әрекеті арқылы бөтеннің мүлкін талан-таражға салды деген айып тағылды. Ол алаяқтық жолмен 1,5 миллион теңге пара алған. Сонымен қатар қызметтік бабын асыра пайдаланғаны белгілі болды.
Ол Талдықорған қалалық сотының үкімімен бес жылға бас бостандығынан айырылды.
Бұл істе судьядан бөлек пара берген кәсіпкер мен ортада делдал болған екі адам да сотқа тартылған. Алайда соңғы екеуі тәуелсіздіктің 30 жылдығына байланысты рақымшылыққа ілініп, істері тоқтатылды.