Алматы облысы әкімінің орынбасары тәртіпсіздіктер кезінде зардап шекті
Алматы облысында аймақ әкімінің бірінші орынбасары Ләззат Тұрлашовтың қайтыс болғаны туралы ақпарат жоққа шығарылды.
Алматы, NEGE. Әлеуметтік желілер мен БАҚ-та Алматы облысы әкімі орынбасарларының бірі Ләззат Махатұлы Тұрлашовтың қайтыс болғаны туралы ақпарат тарап жатыр.
Аймақ әкімі кеңесшілерінің бірінің айтуынша, Тұрлашов жаппай тәртіпсіздік кезінде қатты зардап шеккен, бірақ аман және медициналық мекемелердің бірінде ем қабылдауда.
«Ләззат Махатұлымен бүгін сөйлестім. Ол емделуден өтеді. Жағдайы қанағаттанарлық, жақын арада өз міндеттерін орындауға кіріседі деп үміттенемін», – деді Алматы облысы әкімдігінің өкілі Ғалымұрат Жукел.
Ресми ақпаратқа сәйкес, Талдықорғанда шенеунік диалог орнатып, келіссөз жүргізуге тырысқан. Наразылар мемлекеттік қызметшіні соққыға жыққан.