Алматы: Лаңкестер полиция департаментіне алты рет шабуыл жасаған
Мемлекеттік хатшы Ерлан Қарин жаппай тәртіпсіздік кезінде террористер Алматы қалалық полиция департаментіне алты рет шабуыл жасағанын айтты.
Алматы, NEGE. «Хабар 24» телеарнасына сұхбат берген Мемлекеттік хатшы Ерлан Қарин былай деді: «Бұл біз көріп жүрген жай ғана жаппай тәртіпсіздік емес. Жаппай тәртіпсіздік кезінде қиратады, өртейді. Бұл жолы мемлекеттік мекемелерге шабуыл жасалды. Бір ғана Алматы қалалық полиция департаментіне алты рет шабуыл жасалған. Департамент түнгі 12-ден таңғы 6-ға дейін лаңкестерге тойтарыс берген».
Мемлекеттік хатшы Қазақстанға гибридті террористік шабуыл жасалғанын мәлімдеп, мемлекеттің тұтастығына қауіп төнгенін айтты.