Алматы: Күн сайын 7 мыңнан астам адам вакцина салдырады
Алматыда халықты вакциналау қарқыны күніне жеті мыңнан астам адамды құрайды. Бұл туралы Алматының бас санитарлық дәрігері Жандарбек Бекшин айтты.
Алматы, NEGE. Спикер мегаполис тұрғындарының иммундық қабаты КВИ-ден ұжымдық иммунитетті қалыптастыруға жетпейтінін атап өтті.
6 тамыздағы жағдай бойынша, вакциналау қала тұрғындарының ресми санының 41,1% көрсетті. Ж. Бекшиннің айтуынша, бір жасқа дейінгі балалардың аурушаңдығы артып келеді.
Өткен аптада 224 КВИ дерегі тіркелсе, осы аптада 238 жағдай анықталған. 14 жасқа дейінгі балалар арасында аурудың төмендеуі байқалады – өткен аптада 1 099, осы аптада - 878 бала.
Жалпы КВИ аурушаңдығы 20-40 жас аралығындағы жастар арасында – 38%, 40-59 жас аралығында – 25% және 60 жастан асқан адамдар арасында – 20%. Алматының бас санитарлық дәрігері халықтың қандай топтары КВИ жұқтыруға бейім екенін айтты.
«Алдыңғы 7 күнмен салыстырғанда соңғы 7 күнде өзін-өзі жұмыспен қамтығандар арасында – 41%, түрлі ЖШС, ЖК, АҚ қызметкерлері арасында – 18,4%, зейнеткерлер арасында – 17,3% және оқушылар арасында – 9,2% және мектеп жасына дейінгі балалар арасында – 6% жоғары көрсеткіш сақталуда. Халықтың аталған санаттары КВИ-мен ауырғандардың жалпы санының 92% құрайды және олардың арасында алдын алу шараларын жүргізу қажет», - дейді Ж. Бекшин.
