Алматы көшелерінде көлік қозғалысы уақытша шектеледі
Алматы Қалалық мобилділік басқармасы жол жөндеуге байланысты кейбір көшеде көлік қозғалысы уақытша шектелетінін ескертті, деп хабарлайды Zakon.kz.
Алматы, NEGE. Қалада мына көшелер ішінара жабылады:
Саин және Мұстафин көшелерінің қиылысындағы жолайрықтың солтүстік беті мен айналма жол 8 қазан сағ. 22:00 мен 9 қазан 06:00 аралығында;
Саин және Мұстафин көшелерінің қиылысындағы жолайрықтың оңтүстік беті мен солтүстік-шығыс жол 9 қазан сағ. 22:00 мен 10 қазан 06:00 аралығында;
Саин және Мұстафин көшелерінің қиылысындағы жолайрықтың солтүстік беті 8 қазан сағ. 22:00 мен 9 қазан сағ.06:00 және 9 қазан сағ.22:00 мен 10 қазан сағ.06:00 аралығында;
Рысқұлов даңғ. Жангелдин көшесінен Сейфуллин көшесіне дейінгі бөлігі 9 қазан сағ.22:00 мен 10 қазан сағ.06:00 аралығында.
Ал мына көшелер толық жабылады:
Саин және Торайғыров көшелерінің қиылысындағы жолайрықтың оңтүстік-батыс және оңтүстік-шығыс беті 7 қазан сағ. 22:00 мен 8 қазан 06:00 аралығында;
Шектеулер орташа жол жөндеу аясында жоспарланған. Келтірілген қолайсыздықтар үшін кешірім өтінеміз және жол жүру бағыттарыңызды алдын ала жоспарлауларыңызды сұраймыз, - делінген Алматы Қалалық мобилділік басқармасы хабарламасында.