Алматы қаласы Білім басқармасының мемлекеттік сатып алу бөлімінің басшысы ұсталды
Алматы қаласы бойынша Сыбайлас жемқорлыққа қарсы қызмет Алматы қаласы прокуратурасының үйлестіруімен Білім басқармасының мемлекеттік сатып алу бөлімінің басшысын ұстады, деп хабарлады ведомстваның баспасөз қызметі.
Алматы, NEGE. Ол мегаполистің білім беру мекемелерінде жетім балалар мен ата-ананың қамқорлығынсыз қалған оқушыларға арналған лагерьді ұйымдастырушылардан 12 млн теңгеден астам сомада пара алуға әрекет жасады деген күдікке ілінді.
Пара лагерь ұйымдастырушы компанияны конкурстың жеңімпазы деп тануға арналған. Мекеме балалар лагерін толыққанды ұйымдастыру үшін қажетті материалдық және еңбек ресурстарына ие болмай, конкурстың жеңімпазы болып танылғаны анықталды.
Лауазымды адам соттың санкциясымен қамауға алынды.
Қылмыстық-процестік кодексінің 201-бабына сәйкес өзге ақпарат жария етуге жатпайды.
Қазір оқып жатыр
Астаналықтар аурухана жанындағы құрылысқа қарсы петиция жариялады
Тоқаев пен Ердоған Мәңгілік достық туралы декларацияға қол қойды
Алматының Наурызбай ауданында ауаның ластануы мөлшерден бірнеше есе асып кеткен
Атырау облысының әкімдігі Индер көлін ерекше қорғалатын аумақтар тізімінен қалай шығартты
