Алматы әуежайында заңсыз жолмен жеткізілген iPhone 15 смартфондары тәркіленді
Дубай-Алматы рейсін кедендік бақылау кезінде декларацияланбаған 34 дана iPhone 15 телефоны табылды, деп хабарлады Мемлекеттік кірістер комитеті.
Алматы, NEGE. Телефондардың кедендік құны – 25,3 млн теңгені, келтірілген шығын көлемі – 3,1 млн теңге болды.
Заң бұзған азаматқа 103,5 мың теңге сомасында айыппұл салынады.
«Тәркіленген тауарлар кедендік рәсімдеуден өту және рұқсат құжаттарын жасату үшін уақытша сақтау қоймасына жіберілді» –деп хабарлады Мемлекеттік кірістер комитеті.