Алматы әкімінің бұрынғы орынбасары жаңа қызметке тағайындалды
Алматы әкімінің бұрынғы орынбасары Мұхит Әзірбаев жаңа қызметке келді.
Алматы, NEGE. Мұхит Әзірбаев Қазақстан құрылыс саласы одағының төрағасы болып сайланды. Қауымдастық мүшелері бірауыздан шешім қабылдаған.
"Құрылыс саласы одағы өндірістік компанияларды, құрылысшыларды, дизайнерлерді, сәулетшілерді біріктіреді. Одақ өз алдына құрылысшылардың кәсіби қоғамдастықпен қарым-қатынасын шоғырландыру және құру, жобалау және құрылыс кезінде жаңа технологияларды енгізу, сондай-ақ құрылыс саласын дамыту стратегиясын іске асыруға жәрдемдесу, құрылыс қызметтерінің сапасын арттыру міндеттерін қояды", - делінген Құрылыс саласы одағының баспасөз қызметінің хабарламасында.