Алматы тұрғынынан тіркелмеген қару анықталды
Алматы қаласында «Қару» жедел-профилактикалық іс-шарасы аясында Алатау аудандық полиция басқармасының қызметкерлері қала тұрғынынан тіркелмеген ойық ұңғылы қаруды тәркіледі, деп хабарлайды Polisia.kz.
Алматы, NEGE. Жедел-іздестіру іс-шаралары барысында полиция қызметкерлері тіркелмеген қарудың болуы мүмкін екендігі туралы ақпарат алды.
Тексеру нәтижесінде бұл дерек расталып, қару тәркіленіп, сараптамаға жіберілді.
«Қару» жедел-профилактикалық іс-шарасы республика көлемінде жүргізілуде. Оның мақсаты – заңсыз сақталған қаруды тәркілеу, құқық бұзушылықтардың алдын алу және мүмкін болатын қайғылы жағдайлардың жолын кесу. Алматы полициясы қоғамдық қауіпсіздікті қамтамасыз ету және азаматтарды қорғау бағытындағы жүйелі жұмыстарды жалғастыруда, – деді Алатау аудандық полиция басқармасының бастығы Еділхан Байғараев.
