Алматы тұрғынына әуежайдағы тұрақ үшін 130 мың теңгеге шот келген
Қала тұрғыны Threads желісіне банк қосымшасына келген төлем туралы ескертпенің скринін жариялап, көпшіліктен кеңес сұрады.
Астана, NEGE. 5 ақпанда әйел әуежайдағы автотұраққа кірген. Ал шыққан кезде шлагбаум ашық тұрған. Біраз уақыт өткен соң ол 130 мың теңге көлемінде шот (әйелдің айтуынша, айыппұл) келгенін байқайды.
Әуежайдың баспасөз қызметі ешқандай айыппұл салынбағанын хабарлады. Олардың айтуынша, бұл сома автотұрақтың автоматты жүйесі арқылы есептелген. Кейіннен оның күшін жойып, тұрақ сессиясы жабылған.
Баспасөз қызметі қазіргі уақытта әуежайда қайта жаңғырту жұмыстары жүріп жатқанын, бұл жүйенің жұмысына уақытша әсер етіп жатқанын атап өтті.
