Алматы тауларында жас қыздың мәйіті табылды
Құтқару қызметі Алматы тауларында жас қыздың мәйітін тапты.
Астана, NEGE. Pioneer тау-шаңғы курорты өкілдерінің мәлімдеуінше, ол кеше Букреев шыңы маңында жоғалып кеткен қыз болуы мүмкін.
«Қайғылы хабарды жеткіземіз: бүгін құтқару қызметтері кеткен әйел адамның мәйітін тапты. Ол Букреев шыңы аумағында жоғалып кеткен қыз болуы мүмкін. Қорытынды сәйкестендіру қажетті сараптамалар аяқталғаннан кейін жүргізіледі», – делінген курорттың баспасөз қызметі таратқан хабарламада.
Pioneer өкілдерінің нақтылауынша, оқиға курорт аумағынан, сондай-ақ шаңғы трассалары мен тау-шаңғы кешенінің жауапкершілік аймағынан тыс аумақта болған.
Ал жоғалып кеткен қыз, олардың хабарлауынша, тауға жалғыз өзі шыққан, құтқару қызметінде тіркелмеген.
«Баршаңызды қауіпсіздік ережелерін қатаң сақтауға, жабдықталған бағыттардан тыс аумақтарға шықпауға және тауға жалғыз бармауға шақырамыз», – деп атап өтті курорт өкілдері.
Оқиғаның түпкілікті мән-жайы тиісті сараптамалар жүргізілгеннен кейін анықталады.
Қазір оқып жатыр
«АЛМЭКС» холдингінің құрылымы өзгерді, бірақ Құлыбаевтар позициясын сақтап қалды
Маңғыстауда алғаш рет шала туған нәрестелердің көзіне күрделі ота жасала бастады
2024 жылғымен бірдей шықты. Ағайынды Тастекейлер былтыр НЕГЕ көтеріле алмады?
Денсаулық сақтау саласының үздігі Бақыт Түменова дүние салды
