Алматы тауларында қар көшкінінен турист қаза тапты
Бүгін таңертең Медеу ауданының Титов асуында 3400 метр биіктікте екі турист қар көшкінінің астында қалып қойды, деп хабарлайды ТЖМ.
Алматы, NEGE. Төтенше жағдайлар министрлігінің мәліметінше, олардың біреуі қар құрсауынан өздігінен шыққан.
«Оқиға орнына Алматы қаласы ТЖД 23-әмбебап құтқару бөлімшесінің құтқарушылары, «Барыс» РММ қызметкерлері, кинологиялық жасақ пен еріктілер дереу жіберілді. Іздестіру-құтқару операциясы барысында ұшқышсыз ұшу аппараты қолданылды», – делінген хабарламада.
Құтқарушылар қар көшкінінің астында қаза тапқан адамның денесін шығарды.
Оқиға орнында полиция қызметкерлері мен құтқару қызметінің психологтары жұмыс істеп жатыр.
Қазір оқып жатыр
«Енді асыға оралатын үйім бар»: Баян Алагөзова Меруерт Өтекешоваға пәтер сыйлады
Құрылтай сайлауына Грузия, Иран, Швеция және Қырғызстаннан байқаушылар қатысады
ШҚО-да жүргізуші куәлігін алмақ болған ер адам 6,6 млн теңгесінен айырылған
Алматыда жүйіткіген көлік музей алдындағы арт-инсталляцияға соғылды
