Алматы тауларында қар көшкіні қаупі ескертілді
Алматы облысының құтқарушылары 1-2 қаңтар күндері таулы аймақтарда қар көшкіні жүру қаупі бар екенін мәлімдеді.
Алматы, NEGE.
«Төтенше жағдайлар департаменті азаматтардан, туристерден және демалушылардан қар көшкіні болуы мүмкін қарлы беткейлерге шықпауды, сондай-ақ таулы аймақтарда барлық қауіпсіздік талаптарын сақтауды сұрайды», — делінген ведомствоның хабарламасында.
Облыс бойынша көшкін қаупі жоғары 55 аймақ тіркелген. Олар негізінен Еңбекшіқазақ, Талғар және Қарасай аудандарындағы Іле-Алатау тауларының оңтүстік беткейлерінде орналасқан.
Мамандардың айтуынша, қар көшкінінің негізгі себептері ауа температурасының көтерілуі және қар мен жаңбыр түріндегі мол жауын-шашынның түсуі болып отыр.
Құтқарушылар тауға шыққысы келетін азаматтарды барынша сақ болуға шақырып, табиғаттың қолайсыз жағдайларына бейімделген алдын алу шараларын қолдануды ұсынады.
Сондай-ақ, бұдан бұрын 1 қаңтарға арналған ауа райы болжамын жазған болатынбыз.
Қазір оқып жатыр
«Аяғы шайналып кетті»: Қызылордада ойын-сауық саябағында жас жігіт ауыр жарақат алды
«Енді тек түсіндірумен шектелмейміз»: заңсыз жұмыс істеп келген саудагерлерге қатаң ескерту жасалды
Маңғыстауда қарақұрт қаптады: ауруханаларда уға қарсы сарысу жеткіліксіз
«Ғалымдар жаппай қуылды» деген ақпарат шындыққа жанаса ма? Ясауи университеті жауап берді
