Алматы полициясы қоғамдық орында бетін тұмшалап жүргендерге ескерту жасады
Алматы полициясы әлеуметтік желілерде қоғамдық орында бетін тұмшалап алып жүрген әйел адамдардың бейнежазбасы анықталғанын хабарлады.
Астана, NEGE. Тексеру кезінде бұл бейнеролик коммерциялық мақсатта қойылымдық сипатта түсірілгені белгілі болған.
«Жекелеген қатысушылардың әрекеттерінен Қазақстан Республикасының қолданыстағы заңнамасына сәйкес қоғамдық орындарда тұлғаны тануға кедергі келтіретін киім элементтерін киюге қатысты әкімшілік құқық бұзушылық белгілері анықталды», – деп хабарлады Алматы қаласы полиция департаментінің баспасөз қызметі.
Кінәлі тұлғаларға ескерту түріндегі жаза қолданылып, түсіндіру жұмыстары жүргізілген.
Алматы полициясы қоғамдық орындарда заң талаптарын сақтау міндетті екенін еске салады.
