Алматы полициясы кәсіпкер Азамат Доланбаевқа іздеу жариялады
Алматының тәртіп сақшылары танымал кәсіпкер Азамат Доланбаевты іздестіріп жатыр.
Алматы, NEGE. Полиция департаментінің мәліметінше, ол адамның денсаулығына ауыр дене жарақатын келтірді деген күдікке ілінген.
«Медеу аудандық полиция басқармасы Д .есімді азаматты іздестіріп жатыр. Оған іздеу жарияланды. Сот 2 ай мерзімге «қамау» түріндегі бұлтартпау шарасын сырттай санкциялады», - деп хабарлады департаменттен.
Қазіргі уақытта полиция күдіктінің тұрған жерін анықтау және оны ұстау бойынша жедел-іздестіру іс-шараларын жүргізіп жатыр.