Алматы облысының Райымбек ауданында 18 адам қар құрсауынан құтқарылды
2024 жылғы 17 ақпанда сағат 01:40-та Алматы облысы ТЖД кезекші бөліміне Райымбек ауданының «Қарасай-Жайлау» демалыс аймағының жанында қар құрсауында 5 жеңіл автокөлік қар құрсауында қалып, ішінде 18 адам эвакуациялауды сұрайтыны жайлы хабарлама келіп түсті.
Алматы, NEGE. Бұл жерге Алматы облысы ТЖД қызметкерлері дереу барды. Шақыру орнына дейінгі қашықтық 40 км. Құтқарушылар келген кезде 18 адамның жолдама бойынша демалыс аймағына бара жатып, қар үйіндісінде қалып қойғаны анықталды.
Құтқарушылар мен ЖАО қызметкерлерінің күшімен жол тазаланып, қар құрсауынан 5 автокөлік шығарылды. Медициналық көмек қажет болмады.
