15 Ақпан 18:54
...
Алматы облысының кәсіпкерлерімен ұсынылып отырған салық реформалары талқыланды
Алматы облысында ҚР ұлттық экономика вице-министрі Бауыржан Құдайбергенов пен ҚР Қаржы министрлігі Мемлекеттік кірістер комитеті Салық және кеден саясаты департаменті директорының орынбасары Нұрлыбек Шаймахановтың қатысуымен салық заңнамасына енгізілген өзгерістерді түсіндіру бойынша кеңес өтті.
Алматы, NEGE. Талқылаудың негізгі тақырыбы салық реформасы, атап айтқанда, салық салу жүйесіндегі өзгерістер, соның ішінде ҚҚС мөлшерлемесін арттыру және сараланған тәсілді енгізу болды.
Талқылау барысында Алматы облысы бизнес-қоғамдастығының өкілдері алдағы салықтық өзгерістерге қатысты өз пікірлерін білдірді.
Алматы облысы Кәсіпкерлер палатасы жанындағы Сауда және қызмет көрсетудің салалық кеңесі төрағасы Әсет Талғатбек арзан несиелер үшін базалық мөлшерлемелерді төмендетуді және салық төлеу жүйесін жеңілдетуді ұсынды.
Қорытындылай келе, вице-министр Бауыржан Құдайбергенов барлық ұсыныс жиналып, талданатынына және жұмыс барысында ескерілетініне сендірді.
