Алматы облысында Мемлекеттік мүлік және жекешелендіру департаментінің басшысы ұсталды
Алматы облысы бойынша Сыбайлас жемқорлыққа қарсы қызмет ауыр қылмыстық құқық бұзушылық жасауда Алматы Мемлекеттік мүлік және жекешелендіру департаментінің басшысын әшкереледі.
Алматы, NEGE. Ол жер қатынастары саласында 750 млн теңгеден астам сомаға алаяқтық жасады деген күдікке ілінді.
Шенеунік жер учаскелеріне өтімділік беру және оны сатудан айтарлықтай қылмыстық табыс алу мақсатында, Қарасай ауданының жергілікті атқарушы органдарының лауазымды адамдарының көмегімен олардың нысаналы мақсаттарын кадастрлық құн айырмасын төлемей өзгертті.
Нәтижесінде мемлекетке 1 млрд теңгеден астам сомаға материалдық залал келтірілді.
Бұдан басқа, оған қатысты ұрланған ақшаны жылжымалы және жылжымайтын мүлікті сатып алу арқылы заңдастыру фактісі бойынша сотқа дейінгі тергеу жүзеге асырылады.
Бүгін күдікті ҚПК-нің 128-бабы негізінде Іле ауданының полиция басқармасының уақытша ұстау изоляторына ұсталып, қамауға алынды.
Тергеу жалғасуда.
Қылмыстық-процестік кодекстің 201-бабына сәйкес өзге ақпарат жария етуге жатпайды.