Алматы облысында 90 млн теңгені заңсыз иемдегені үшін аурухана бухгалтері 7 жылға сотталды
Ұйғыр аудандық орталық аурухананың бухгалтері Мемлекеттік сатып алуға қатысушылардың 90 млн теңгесін заңсыз иемденгені үшін 7 жылға бас бостандығынан айырылды, деп хабарлады Бас прокуратура.
Алматы, NEGE. Бұл қаражатты кәсіпкерлер аурухананың банктік шотына шарттардың орындалуына кепілдік түрінде енгізген.
«Азаматша Д. аудандық аурухананың есепшісі бола отырып, бұл қаражатты өз шотына аудару арқылы иемденген.
Талдау шеңберінде Алматы облысының прокуратурасы тағы 50 млн теңгеге заң бұзушылықтарды анықтады, олар 25 кәсіпкерге қайтарылуы қажет», - делінген хабарламада.
Прокуратураның қадағалау актісімен ақшалай қаражаттың бір бөлігі бизнес субъектілеріне қайтарылды.