Алматы облысына блок-бекеттер қойылды: Талғарда қамауда отырған ер адам қашып кетті
Бұл туралы Алматы облыстық Полиция департаментінің баспасөз қызметі хабарлады.
Алматы, NEGE. Талғар аудандық полиция басқармасының уақытша ұстау изоляторынан зорлау жасады деген күдікпен қамауда отырған азамат К. қашып кетті. Сол себепті «Дабыл» жоспары енгізілді.
Негізгі жолдарға блок-бекеттер қойылып, қашқынды іздеп табу және ұстау үшін барлық күш пен құралдар жұмылдырылды.
Сонымен қатар, қашу жағдайын анықтау үшін қызметтік тексеру тағайындалды. Жағдай облыстық полиция департаменті басшылығының бақылауында.
