10 Ақпан 15:28
...
Алматы метрополитені қауіпсіздік стандарттарына сай уақытша қоршауларды сынақтан өткізіп жатыр
«Райымбек батыр» бекетінде заманауи қауіпсіздік стандарттарына сай уақытша қоршаулар орнатылды, деп хабарлайды Алматы қаласы метрополитені.
Алматы, NEGE. «Олар қорғаныс тосқауылы қызметін атқарады және жарнамалық құрылым ретінде пайдаланылады. Қазіргі уақытта олардың жел жүктемесіне төзімділігі тексерілуде. Сынақтан кейін осындай қоршаулар басқа бекеттерге де орнатылады. Бұрын қойылған темір құрылымдар да қайта қаралып, қажет болған жағдайда алынып тасталады», – делінген хабарламада.
Еске салайық, бұл автоматтандырылған платформалық есіктер орнатылғанға дейінгі уақытша шара. Барлық жұмыс қала бюджетінсіз, метрополитеннің өз қаражаты есебінен қаржыландырылады.
