Алматы метрополитен басшылығы сауда нүктесін жалға алушыларды заңсыз салық төлеуге мәжбүрлеген
Көлік прокуратурасы Алматы қаласының «Метрополитен» ШЖҚ КМК қызметін талдау барысында кәсіпкерлердің құқықтарына нұқсан келтіретін құқық бұзушылықты анықтады.
Алматы, NEGE. Атап айтқанда, метрополитен басшылығы салық шығындарын сауда алаңдарын жалға алушылар есебінен өтеуге шешім қабылдап, ол үшін оларды қосымша келісімдер жасауға мәжбүр еткен.
Прокуратураның қадағалау актісі бойынша салық төлемдерін жабу бөлігіндегі заңсыз талаптар келісімдерден алынып тасталды, ал кәсіпкерлерге 12,5 млн теңге қайтарылды.
Бұл әрекеттерден барлығы 11 кәсіпкер зардап шеккен болатын.