Алматы маңындағы тауларда қар көшкіні жүрді: Зардап шеккендер бар
Алматы қаласы Құтқару қызметінің мәліметінше, бүгін сағат 14:57-де «Шымбұлақ» тау-шаңғы курортының диспетчері Талғардың сол жақ бөлігінде, Богданович мұздық асуының үстінде қар көшкіні болғанын хабарлады.
Алматы, NEGE. Алдын ала мәлімет бойынша, зардап шеккендер бар, бірақ олардың нақты саны мен жағдайы әлі белгісіз.
«Бүгін сағат 14:57-де «Шымбұлақ» тау шаңғысы курортының диспетчері Талғардың сол жақ бөлігінде, Богданович мұздығы асуының үстінде қар көшкіні болғанын хабарлады.Оқиға орнына құтқарушылар жөнелтілді: бес адамнан тұратын топ пен бір бірлік техника «Тұйық-Су» бақылау-құтқару бекетінен шықты. Төтенше оқиға орнына «Шымбұлақ» тау шаңғысы курортының және Республикалық жедел құтқару жасағының құтқарушылары да аттанып жатыр. Сонымен қатар, сағат 15:18-де оқиға орнына тағы бір техника мен кинологиялық бөлімше жіберілді. Құтқару жұмыстары жалғасуда, өзге де мәліметтер нақтылануда», - делінген хабарламада.
Төтенше жағдайлар қызметкерлері тауларда қар көшкіні қаупі әлі де жоғары екенін еске салды.
Қазір оқып жатыр
Қазақстандықтар енді зейнетақы жинағының 100%-ын сенімгерлік басқаруға бере алады
«800 млн теңге емес»: Перуашев Алматыдағы үй туралы қауесетке жауап берді
Біздің елде қоғамды екіге жаратындай саяси дау-дамайлар жоқ – Ерлан Қарин
Бибісара Асаубаева азаматтығын ауыстырмақ па: Спорт министрлігі жауап берді
