Алматы маңында жүк пойызы жылқы қағып, шұғыл түрде тоқтады

Алматы, NEGE. Алматы-1 станциясындағы желілік полиция басқармасына қарасты Шамалған станциясының маңында қараусыз жайылып жүрген жылқы жүк пойызына соғылып, пойыз шұғыл түрде тоқтады.

Аталған факт Алматы 1 ст. желілік полиция басқармасының ақпараттарды тіркеу кітабына тіркеліп, Шамалған станциясы ЖПб қызметкерлері жылқының иесін анықтау бойынша жедел іздестіру жұмыстарын жүргізді.

Нәтижесінде малдың иесі анықталып, ол Әкімшілік құқықбұзушылық туралы кодекстің 559-бабының 1-бөлігі бойынша жауапкершілікке тартылды.

Басқарма тарапынан жүргізіліп жатқан алдын алу іс-шараларының арқасында Отар – Шамалған станцияларының аралығында жылжымалы құрамның шұғыл түрде тоқтауы былтырғы жылмен салыстырғанда 52,9 пайызға (17-ден 8-ге дейін) төмендеді.

Бұл бағыттағы жұмыс өз жалғасын табады.