Алматы маңында 7 жасар баланы автобус басып кетті
Алматы қаласының кіреберісінде орналасқан «Асыл Арман» тұрғын үй кешенінің аумағында оқушыны автобус басып кетті.
Алматы, NEGE. 7 жасар бала сол жерде қайтыс болды.
Оқиғаға қатысты полиция департаменті түсінік берді.
– 27 қарашада JAC автобусының жүргізушісі «Асыл Арман» тұрғын үй кешенінің тұрақ аумағында артқа жүрген кезде 7 жасар баланы қағып кеткен. Ол алған жарақаттарынан оқиға орнында көз жұмды, - деп хабарлады облыстық ПД баспасөз қызметі.
Қазіргі уақытта сотқа дейінгі тергеу жүріп жатыр, оның қорытындысы бойынша процессуалдық шешім қабылданатыны хабарланды.